Коми кывтӧдӧм

Ӧшмӧс:

Коми орфографическӧй словарь / СССР-са Наукаяс Академиялӧн Коми филиал. Сыктывкар: Коми книжнӧй издательство, 1953

ОРФОГРАФИЧЕСКӦЙ ПРАВИЛӦЯС.

I. АЛФАВИТ.

1. Коми алфавитын 35 буква:

Аа, Бб, Вв, Г г, Да, Ее, Ёё,

а, бэ, вэ, гэ, дэ, е, ё,

Жж, Эз, Ий, и, Ий, К к, Ля,

жэ, зэ, и, точкаа и, и краткӧй, ка, эль,

Мм, Ин, Оо, Ӧӧ о Пп, Рр, Сс,

ЭМ, эн, о, ӧ, пэ, эр. эс,

Тт, Уу, Фф, Хх, Цц, Чч, Шш,

тэ, у. эф, ха, цэ, че, ша,

Щщ, Ъъ, Ыы, Ьь, Эз, Юю, Яя.

ща, твёрдӧй знак, ы, мягкӧй знак, э оборотнӧй ю, я.

II. ЗВУКЪЯС ДА БУКВАЯС.

2. Гласнӧй звукъяс: а, и, о, ӧ, у, ы, э.

Гласнӧй букваяс: а, я, и, і, о, ӧ, э, е,

ё, у, ю, ы.

3. Согласнӧй звукъяс: б, в, г, д, дь, дж, дз, ж, з, зь, й, к, л, ль, м, н, нь, п, р, с, сь, т, ть, тш, ф, х, ц, ч, ш, щ.

4. Согласнӧй букваяс: б, в, г, д, ж, з, к, л, м, н, п, р, с, т, ф, х, ц, ч, ш, щ.

5. ъ (твёрдӧй знак) да ь (мягкӧй знак) асьныс оз обозначайтны некутшӧм звук, а петкӧдлӧны согласнӧйяслысь чорыдлун (ъ) да небыдлун (ь).

6. дж, дз, тш буквосочетаниеяс обозначайтӧны аффрикатъяс: дж —чорыд звонкӧй шипящӧй, например: джодж, джадж, джуджыд, вуджны; дз буквосочетание обозначайтӧ небыд звонкӧй шипящӧй либӧ свистящӧй, например: дзоридз, дзав, мудзӧм; тш буквосочетание обозначайтӧ чорыд глухӧй шипящӧй, например: тшӧтш, тшак, потшны.

7. Согласнӧй звукъяс коми сёрниын торъялӧны чорыдлун да небыдлун серти. Тайӧ боксянь согласнӧй звукъяс юксьӧны куим пельӧ:

а) звукъяс, кодъяс вермӧны лоны чорыдӧн и небыдӧн. Найӧ шусьӧны парнӧй согласнӧйясӧн.

Чорыд согласнӧйяс: д, з, л, н, с, т, например: сад, доз, кодӧс; зэв, оз, зэрӧ; лок, олӧ, вӧла; нӧб, джын, дона; сім, сам, тас; тулыс, туны, потан, топыд.

Небыд согласнӧйяс: дь, зь, ль, нь, сь, ть, например: садь, дьӧгӧдь, дивӧ, дерт; зеп, позьӧ, зильгыны; лёк, вӧля, плеть, кольны; нянь, ньӧв, ниа, небыд; сям, сюмӧд, усьны, син, сёй; тёпкан;

б) чорыд непарнӧй согласнӧйяс: б, в, г, дж, ж, к, м, п, р, тш, ф, х, ц, ш, например: бан, вӧр, гор, джодж, жар, жургӧ, кок, мӧс, пыр, тшын;

в) небыд непарнӧй согласнӧйяс: ч, щ, дз: чань, чужӧм, чож, чер, кӧч, кӧдза, дзуг, дзав, дзескыд, дзор, кыдз, клещи, щӧть.

ІІІ. БУКВАЯС ГИЖАННОГ.

8. е, ю, я, ё букваяс гижсьӧны:

а) кор звук й йитчӧ (сочетайтчӧ) э, у, а, о звукъяскӧд: ён, заём, яг, ваяс, юны, егыр, еджыд, ем.

б) небыд парнӧй согласнӧйяс бӧрын, медым петкӧдлыны налысь небыдлунсӧ, например: дядь, зять, нёль, сёй, нюр, сера, делӧ, зеркалӧ, некод, тешкодь.

9. ч, дз да щ небыд непарнӧй согласнӧйяс бӧрын гижсьӧны у, а букваяс, а оз ю, я букваяс, например: чаг, чужӧм, дзав, дзуртӧ, площадь, пӧщада.

е буква гижсьӧ и небыд непарнӧй ч, дз да щ бӧрын: чери, чегны, дзескыд, дзебны, щель.

10. э буква гижсьӧ:

а) кыв заводитчигӧн да гласнӧй букваяс бӧрын, кор кылӧ э звук: эжа, эн, эськӧ, поэт, поэма;

б) чорыд парнӧй согласнӧйяс бӧрын: дэбыд, зэв, лэч, нэм, сэтӧр, тэ.

11. и буква гижсьӧ:

а) кыв заводитчигӧн да гласнӧй букваяс бӧрын: изны, ид, юис, туис, воис, пӧим;

б) небыд парнӧй согласнӧйяс бӧрын, медым петкӧдлыны налысь небыдлунсӧ: диван, ӧзим, личыд, ним, син, ӧти;

в) став непарнӧй согласнӧйяс бӧрын: пинь, видз, гижны, ори, би, ки, дзир, гид, чирсны, мича.

12. і буква гижсьӧ сӧмын чорыд парнӧй согласнӧйяс бӧрын: ді, зіль, вӧлі, сэні, сійӧ, сім, кутіс, петіс, муніс.

13. й буква гижсьӧ:

а) и, ы, ӧ водзвылын, медым петкӧдлыны налысь йотациясӧ: йир, йи, йики, йитны, бӧрйис, йыв, йӧв, пасйыны, йӧла, керйӧн;

б) кыв помын да согласнӧйяс водзвылын, мед петкӧдлыны краткӧй и (й): яй, выйсӧ, вайлы, ӧнтай.

14. ь гижсьӧ, мед петкӧдлыны согласнӧйяслысь небыдлунсӧ:

а) кыв помын: бедь, визь, рысь, пель, нянь, бать, порсь;

б) кыв шӧрын, небыд парнӧй согласнӧй бӧрын, чорыд согласнӧйяс водзвылын: разьны, босьтны, казьтывны, косьтыны;

в) небыд основа помын согласнӧйяс водзвылын: кольны, разьсьыны, пасьтавны.

Примечание 1. Кык ӧткодь небыд парнӧй согласнӧйяс костӧ ь оз гижсьы: мыссьыны, быттьӧ.

Примечание 2. сть, ндз, нч сочетаниеяс костӧ ь оз гижсьы: мысти, вӧлисти, верстьӧ, кындзи, тӧндзи, кринча, пӧдӧнча, власть.

15. Разделительнӧй знакъяс (ъ, ь) гижсьӧны:

а) разделительнӧй твёрдӧй знак (ъ) гижсьӧ чорыд согласнӧйяс бӧрын йотируйтӧм е, ю я, ё букваяс водзвылын: асъя, керъяс, ошъяс, медъён, яръюгыд, рытъя, зонъяс;

б) разделительнӧй мягкӧй знак (ь) гижсьӧ небыд согласнӧйяс бӧрын йотируйтӧм е, ю, я, ё букваяс водзвылын: варенье, пиньяс, бельё, кӧчьяс, вӧньяс, кыдзьяс.

IV. АССИМИЛЯЦИЯ ДЫРЙИ КЫВЪЯС ГИЖАННОГ.

16. Прогрессивнӧй ассимиляция дырйи гижсьӧны сэтшӧм согласнӧйяс, кодъяс кылӧны шуигӧн: беддя, колльӧдны, килля, лыддьыны, мырддьыны.

17. Регрессивнӧй ассимиляция дырйи гижсьӧны сэтшӧм согласнӧйяс, кодъяс вӧлӧмаӧсь кыв вужъяс либӧ основаас (морфологическӧй принцип серти): вӧтчыны (вӧтӧдны), сотчыны (сотӧ), велӧдчыны (велӧдӧ), косджык (косӧдз), сэтчӧ [сэті), ӧтдор (ӧти).

Примечание. Сэтшӧм кывъясын, кӧні основаыслӧн значениеыс оз яснӧя тӧдчы, гижсьӧны кык ӧткодь согласнӧй: мыччыны, тувччыны, шойччыны, кольччыны, чеччыны, орччӧн.

V. ЧЕРЕДУЙТЧЫСЬ СОГЛАСНӦЙЯСӦС ГИЖАННОГ.

18. л да в чередуйтчигӧн кыв помын да согласнӧй водзын гижсьӧ в, а гласнӧйяс водзын — л. Например: ныв, нывъяс, нывлӧн, нылӧй; вӧв, вӧвным, вӧвлы, вӧлӧн; сьывны, сьыв, сьылышт.

Примечание. Исключениеӧн лоӧны заимствуйтӧм кывъяс да ӧткымын изобразительнӧй кывъяс: колхоз, чулки, колснитны, варовӧсь.

19. Первой слогын е да и водзвылын г—д чередуйтчигӧн гижсьӧ г, а оз д: гид, гез, гижны; к—т чередуйтчигӧн гижсьӧ к: ки, кер, кежны, киссьӧм.

Исключение: дерт.

Примечание. Заимствуйтӧм кывъяс вылӧ тайӧ правилӧыс оз распространяйтчы.

20. ид — дь чередуйтчигӧн гижсьӧ дь: бадь, садь, додь.

21. Кывъясын, первой слогын кындзи, ӧ — э (е) чередуйтчигӧн гижсьӧ ӧ, а оз э (е): гӧрӧд, пельӧс, вайӧ, котӧрӧн, майӧг, сайӧ.

Примечание. Тайӧ правилӧ улӧ оз пырны сложнӧй кывъяс, кодъяслӧн мӧд кыв вужъяс вӧлӧма э либӧ е, да заимствуйтӧм кывъяс: ягсер, буретш, море, пионер, кӧлеса, ӧбед, радейтӧм, поэт.

22. Кывъясын, первой слогын кындзи, ы — и чередуйтчигӧн гижсьӧ ы, а оз и (і):

а) -ыш да -ыд сочетаниеясын: кырныш, ёкыш, варыш, рыныш, вильыш, кӧлыш; лӧсьыд, веськыд, паськыд, шоныд, кӧдзыд, пемыд, югыд, шыльыд, курыд, дыгыд, долыд, векньыд, вӧсньыд, посньыд, дзирыд; но: векни, посни, вӧсни;

б) -ым, -ын, -ыр, -ыс, -ыль, -ынь, -ысь сочетаниеясын чорыд согласнӧй бӧрын: ордым, кӧрым, азым; ӧзын, ӧжын, джын, эшкын; дзимбыр, мегыр, ӧгыр, майбыр, дзибыр, вугыр, намыр, котыр, войтыр; тулыс, кӧлыс, вурыс, кӧйдыс; гӧгыль, нямыль, чукыль, ёкмыль, йӧнгыль, бугыль, тупыль; кымынь, вежынь, кусынь; кепысь, пӧрысь.

Исключение: берин, ӧшинь.

23. Кывъясын, первой слогын кындзи, гижсьӧ и (і), а оз ы татшӧм случайясын:

а) -иг, -ик, -идз, -ин, -иник суффиксъясын да сочетаниеясын: пыриг, кучик, лудік, сӧнік, жӧник, сӧвик, чутік, нырщик; дзоридз, саридз, ӧмидз, зӧридз, пыридз; вирич, курич, гырнич, ножич, палич, лабич, калич, кӧсича; рудіник, пелькиник, томиник;

б) -им, -ин, -ир, -ис, -иль, -ись сочетаниеясын небыд согласнӧй бӧрын да гласнӧй бӧрын: нёкчим, налим, ӧзим, пӧим, куим; тоин, кӧин, сунис, туис, ныриса; ручильӧй, канильӧй, кӧчильӧй; вӧлись;

в) кыв помын существительнӧйясын: чери, шабді, ді, тури, тасьті, сарги, йӧзви, изки, вӧжжи, шонді, щӧті, ёді, кельчи, шырби, шобді, сёрни, сёркни, малязі, йики, часі; прилагательнӧйясын: вӧсни, посни, кокни, мелі; наречиеясын: сэні, маті, уліті, сэті, таті, пыді, кӧні, кыті; изобразительнӧй наречиеясын: ызі-базі; кывбӧръясын: бӧрти, серти, пыдди, дырйи, мысти.

Примечание. Тайӧ правилӧяс улӧ оз пырны сложнӧй кывъяс, падежъяслӧн да глаголъяслӧн формаяс.

VI. ЗАИМСТВУЙТӦМ КЫВЪЯС ГИЖАННОГ.

24. ф, х, ц, щ букваяса выльӧн заимствуйтӧм кывъясын гижсьӧны сійӧ жӧ букваясыс, а оз п, к, ч, тш: флот, реформа, ферма, химия, хлопок, центнер, циркуль, ящик, щель, щӧть.

Важӧн заимствуйтӧм кывъясын гижсьӧны п, к, ч букваяс: пӧнар, партук, кӧзяин, сакар, улича, чеп.

25. Заимствуйтӧм кывъясын мягкӧй знак (ь) сохраняйтчӧ: вещь, щелочь, сентябрь, тушь, роскошь, зверь, лагерь, речь, морковь, запань, медаль, вождь, печать, сентябрьскӧй, октябрьскӧй.

Но кор основаыс помасьӧ непарнӧй согласнӧй вылӧ, падежнӧй окончание да личнӧй суффикс водзын ь оз гижсьы: тушь, тушсӧ, тушыс; зверь, зверсӧ, зверыс; щелочь, щёлочсӧ; лагерь, лагерын, лагерӧ.

26. Кывъясын, кодъяс помасьӧны сть вылӧ (промышленность, власть, область), ть-ыслӧн небыдлуныс сохраняйтчӧ и быд положениеын петкӧдлыссьӧ коми орфография правилӧяс серти: область, областьын, областьсянь, областяс.

27. Нимъяс, вичьяс да овъяс гижсьӧны сідз жӧ, кыдзи и рочын: Горький, Маяковский, Алексей, Дмитрий, Илья, Зоя Космодемьянская.

VII. СЛОЖНӦЙ КЫВЪЯС ГИЖАННОГ.

28. Сложнӧй кывъяс гижсьӧны ӧтлаын:

а) кор найӧ артмӧмаӧсь определительнӧй либӧ сочинительнӧй сочетаниеӧн, ӧти либӧ кыкнан кывйыслысь значениесӧ воштӧмӧн, да ӧтлаасьӧмнас сетӧны выль понятие: понпуш, зарава, коляоз, зӧртусь, тшайпод, бакамач, тывкӧрт, балябӧж, урбӧж, мырпом, уджйӧз, войтӧв (судорога), сикӧтш, вынйӧр, весьшӧрӧ, гурйыв, коклябӧр, юрсигусь, чуньлыс, улльӧв, вылльӧв, чӧжйӧв, пипу, ловпу, нинпу, жовпу, тусяпу, синва, юрси, вабергач, няньшом, кипыдӧс, кокпыдӧс, юрпыдӧс, кимӧдз, кимыш, кикар, черинянь, чунькытш, синлыс, синкым, киподтуй, пиньтуй, чужва, сирва, войтва, йӧвва, кипод, лысва, сипож, биависьӧм, бипур, сёшайт (ласкат.), катшасин, сьӧлаоз, турипув, пельпом, сьӧлӧмшӧр (ласкат.), унзіль, шомкор, шомйӧв, вомгорув, нырвом, тымус, паськӧм;

б) ув, дор, выв, йыв, шӧр, водз, бок, пом, пӧв да мукӧд татшӧм кывъяс, кор найӧ артмӧдӧны выль понятие: рытыввыв, асыввыв, войвыв, лунвыв, лунвылын, горув, кивыв, посводз, рытъядор, асъядор, рытъявывнас, асъявывнас, веськыдвылын, шуйгавыв, бӧрвыв, водзвыв, водзвылын (нар. да послел.), асывбыд, асывводз, боквыв, бӧждор, кокпӧв, колошипӧв, бӧрвывтны, боквывтны, бӧрладорын, бӧръявывнас, вадор, мортув, кокйыв (сувтны), кыккокйыв, подув, луншӧр, войшӧр, челядьдырйи (в детстве), банбок, кипом (удж), кобув;

в) кор джын кыв сулалӧ существительнӧй бӧрын: воджын, лунджын, ведраджын, шӧрӧмджын;

г) кор джынъя кыв сулалӧ существительнӧй бӧрын да ӧтлаын сыкӧд артмӧдӧ прилагательнӧй: ведраджынъя чугун, арджынъя кага, но: ведраыс джынъя.

29. Определительнӧй сочетаниеа кывъяс, кодъяс оз артмӧдны выль понятие, гижсьӧны торйӧн: ыж ку, пыж ныр, удж дон, кӧрт пач, пу керка, вӧр туй, вурыс туй, лэч туй, чӧс туй, кӧрт туй, чунь туй, горӧдӧм шы, ключ ва, сёрӧм йӧр, ки кучик, пожӧм пу, ньыв пу, вӧр лэдзысь, скӧт видзысь, кӧр видзысь, кага видзысь, мӧс видзысь, сапӧг вурысь, чери кыйысь, нянь пӧжалысь.

30. Сложнӧй кывъяс гижсьӧны дефис пыр:

а) собирательнӧй значениеа кывъяс: му-ва, керка-карта, сьӧла-тар, нянь-сов, кӧм-паськӧм, катша-рака, вӧр-ва, чой-вок, видз-му, ки-кок, ныв-зон, бать-мам, ай-мам;

б) кор ӧтик кывйыс шусьӧ кыкпӧв кывйыслысь значениесӧ ёнмӧдӧм могысь: лун-лун, ылын-ылын, муртса-муртса;

в) ӧткодь значениеа парнӧй кывъяс: олан-вылан, ветлысь-мунысь, чукыль-мукыль, сідз-тадз;

г) паныд значениеа кывъяс: улӧ-вылӧ, бӧрӧ-водзӧ, лун-вой, кузя-дженьыда, ӧтарӧ-мӧдарӧ;

д) совместность петкӧдлысь кывъяс: лӧза-гӧрда, ая-пиа, тэа-меа, ныла-зонма, киа-кока;

е) парнӧй изобразительнӧй кывъяс: зиль-зёль, сюр-сяр, гыма-гама, сюв-сяв, шур-шар.

ж) джынйӧн (джынйӧна) -ӧн окончаниеа кывъяскӧд: ведраӧн-джынйӧн, арӧн-джынйӧн, литрӧн-джынйӧн, метрӧн-джынйӧн, по: ведраджынйӧн, арджынйӧн.

VIII. СУЩЕСТВИТЕЛЬНӦЙЯСӦС ГИЖАННОГ.

31. Книга, газета, журнал, колхоз, пароход да мукӧд нимъяскӧд падежнӧй окончаниеяс, уна лыда да личнӧй суффиксъяс гижсьӧны ӧтлаын: «Правдалӧн», «Войвыв кодзулысь», «Ударникӧ», «Шевченкоӧс, «Гӧрд знамясянь».

32. Заимствуйтӧм сложнӧй сокращённӧй кывъясын, кодъяс артмӧмаӧсь кывъяслӧн первой буква нимъясысь, падежнӧй окончаниеяс, уна лыда да личнӧй суффиксъяс гижсьӧны дефис пыр: ЦК-ын, МТС-ясӧ, МТФ-ӧ, РСФСР-ын, СССР-лы, но: вузын.

33. Ин (ін), лун, пи, пу, тор, туй кывъяс, кор найӧ мунӧны суффиксъяс пыдди, гижсьӧны существительнӧйяскӧд ӧтлаӧ: кыйсянін, оланін, зільлун, сюсьлун, коланлун, кӧчпи, сирпи, уткапи, каньпи, моньпу, зятьпу, буртор, чӧскыдтор, морттуй, киподтуй.

34. Ув, дор, выв, сай, берд, дін, бӧр, йыв, пом, весьт, шӧр, кост, водз, бок да мукӧд кывъяскӧд существительнӧйяс быд падежын гижсьӧны торйӧн: ӧшинь ув, пызан дор, керка выв, пывсян сай, пу бердсӧ, горт дін, улӧс бӧр, пурт йыв, карандаш пом, кар весьт, пу кост, пу йыв, вӧр йыв, кильчӧ водзсӧ, туй бок, керка весьтын, вӧр шӧрын.

Примечание. Татшӧм сочетаниеяссӧ оз ков сорлавны сложнӧй кывъяскӧд, кодъяс артмӧмаӧсь существительнӧйысь да местнӧй да пространственнӧй значениеа кывъясысь: вадор, войвыв да с. в. (Видзӧд VII глава, 28 параграф, «б» пункт, 19 стр.)

IX. ПРИЛАГАТЕЛЬНӦЙЯСӦС ГИЖАННОГ.

35. Сложнӧй прилагательнӧйяс, кодъяс петкӧдлӧны предметлысь цвет, гижсьӧны ӧтлаын: кельыдлӧз, алӧйгӧрд, кольквиж, лӧзовгӧрд.

36. Прилагательнӧйяс, кодъяс артмӧмаӧсь быд, ас да аслыс местоимениеясысь да числительнӧйясысь пӧлӧс, пӧвста, сяма, нога да сикас кывъясӧн, гижсьӧны ӧтлаын: быдпӧлӧс, быднога, быдсяма, аслыспӧлӧс, кыкпӧлӧс, куимпӧвста.

37. Прилагательнӧйяс, кодъяс артмӧмаӧсь существительнӧйясысь ув, дор, выв, сай, чӧж, берд, дін, весьт да мукӧд татшӧм жӧ кывъяскӧд -са да -ся суффиксъясӧн, гижсьӧны ӧтлаын: съездвывса, керкабердса, туйдорса, вочӧжся, зорӧдвесьтса, пу сайса, сиктсайса, челядьдырся кад.

Татшӧм сочетаниеясыс гижсьӧны торйӧн, кор бердса, дорса, весьтса да с. в. кывъяс сулалӧны собственнӧй нимъяс бӧрын: Москва бердса, Сыктывкар дорса, Москва — Ленинград костса кӧрт туй.

38. Кодь прилагательнӧйяскӧд гижсьӧ ӧтлаын: лӧзкодь, мичакодь, гажакодь.

39. Мед кыв, коді петкӧдлӧ превосходнӧй степень, прилагательнӧйяскӧд гижсьӧ ӧтлаын: медбур, медмича, медъён.

40. Медся, зэв, сап, вель, дзурс, вывті, чим, сім кывъяс, кодъяс образуйтӧны превосходнӧй степень, гижсьӧны прилагательнӧйяскӧд торйӧн: медся ыджыд, зэв лӧсьыд, вель гажа, сап пемыд, дзурс пемыд, сім сьӧд, вывті мича, чим гӧрд.

41. Паныд да совместность значениеа прилагательнӧйяс гижсьӧны дефис пыр: лӧза-гӧрда, бура-лёка, сьӧда-еджыда, синма-пеля, пася-кӧма, чера-пурта.

42. Повторяйтчысь прилагательнӧйяс гижсьӧны дефис пыр: мича-мича, ыджыд-ыджыд, бурысь-бур, гажаысь-гажа, мичаысь-мича.

43. Заимствуйтӧм прилагательнӧйясын гижсьӧны -ӧвӧй, -евӧй да -ӧй суффиксъяс: розӧвӧй, байкӧвӧй, батистӧвӧй, валӧвӧй, классӧвӧй, трудӧвӧй, боевӧй, строевӧй, коричневӧй; большевистскӧй, великӧй, средньӧй.

Примечание. Заимствуйтӧм собственнӧй нима сочетаниеясын да географическӧй названиеясын сідзжӧ гижсьӧ -ӧй: Зимньӧй дворец, Великӧй Устюг, Краснӧй площадь, Вышньӧй Волочок, Старӧй Оскол, Дальньӧй Восток, Чёрнӧй море, Великӧй либӧ Тихӧй океан.

X. ЧИСЛИТЕЛЬНӦЙЯСӦС ГИЖАННОГ.

44. Тыр дасъяс да сёяс петкӧдлысь числительнӧйяс гижсьӧны ӧтлаын: сизимдас, кӧкъямысдас, ӧкмысдас, кыксё, витсё, кӧкъямыссё, а став мукӧд числительнӧйяс гижсьӧны торйӧн: дас ӧти, кызь вит, нелямын квайт, кык тысяча, вит миллион, квайтымын сизим, тысяча ӧкмыссё ветымын кык да с. в.

45. Кор сочетаниеын существительнӧйяс да порядкӧвӧй числительнӧйяс артмӧдӧны неопределённӧй количество, сэк найӧ гижсьӧны дефис пыр: гоз-мӧд, гоз-мӧд-коймӧд, морт-мӧд; количественнӧй числительнӧйяс, кодъяс петкӧдлӧны предметлысь неопределённӧй количество, гижсьӧны существительнӧйкӧд торйӧн: лун куим, керка дас вит, морт сё ветымын, недель кык, во куим, ар ветымын кымын, мӧс сё саяс.

46. Количественнӧй числительнӧйяс, кодъяс сулалӧны порядкӧвӧйяс бӧрын, гижсьӧны торйӧн: нёльӧд сё, квайтӧд тысяча.

47. Числительнӧйяс кывбӧркӧд гижсьӧны торйӧн: сё кымын, дас гӧгӧр, ветымын сайӧ, дас вит кымын.

48. Порядкӧвӧй числительнӧйяслӧн -ӧд суффикс гижсьӧ цифраяскӧд дефис пыр: 5-ӧд, 30-ӧд, 101-ӧд, 1953-ӧд.

49. -ным, -ныд, -ныс суффиксъяса собирательнӧй числительнӧйясын гижсьӧ кык н: кыкнанным, кыкнанныд, ӧтнанныс.

50. Неопределённӧй числительнӧйяс гижсьӧны дефис пыр, например: кык-куим морт, вит-ӧ-квайт керка, нёль-ӧ-вит вопрос.

XI. МЕСТОИМЕНИЕЯСӦС ГИЖАННОГ.

51. Неопределённӧй местоимениеяс, кодъяс артмӧмаӧсь -кӧ да -сюрӧ суффиксъясӧн, гижсьӧны быд падежын ӧтлаын: кодкӧ, кодъяскӧ, кодлыкӧ, мыйсюрӧ, кутшӧмсюрӧ, но: код вылӧ кӧ, мый йылысь кӧ.

52. Отрицательнӧй да неопределённӧй местоимениеяс, кодъяс артмӧмаӧсь не частицаӧн, гижсьӧны сыкӧд ӧтлаын: некод, некодлы, некутшӧм, некымын, некымынӧн. Мукӧд местоимениеяскӧд частицаыс гижсьӧ торйӧн: не сійӧ, не ме, не быдӧн, не татшӧм.

53. Местоимениеяс кывбӧръяскӧд гижсьӧны торйӧн: сы ордын, сы понда, на кодь, миян водзвылын, та моз, тэ йылысь, кутшӧм ногӧн, ас понда.

54. Сійӧ, найӧ, эсійӧ, тайӧ личнӧй да указательнӧй местоимениеясын гижсьӧ ӧ, а оз е либӧ я. Винительнӧй падежын тайӧ местоимениеясыс гижсьӧны тадзи: сійӧс, найӧс, тайӧс, этайӧс.

55. Сійӧ личнӧй местоимениеын быд падежын, нимтан да керан падежъясын кындзи, гижсьӧ ы: сылӧн, сылы, сылысь, сылань да с. в., но: сійӧ, сійӧс.

56. Парнӧй значениеа местоимениеяс гижсьӧны дефис пыр: тэа-меа, сэтшӧм-татшӧм.

57. -тор, -ин (-ін) суффиксъяс местоимениеяскӧд гижсьӧны ӧтлаын: быдтор, сэтшӧмтор, татшӧминын.

XII. ГЛАГОЛЪЯСӦС ГИЖАННОГ.

58. Первой колян када глаголъяслӧн личнӧй окончаниеясын гижсьӧ и (і), а оз ы: муні, мунін, муніс, мунінныд; лыдди, лыддин, лыддис, лыддим, лыддинныд, лыддисны.

59. Мӧд колян када глаголъяс окончаниеын гижсьӧ ӧ, а оз е (э): мунӧмыд, мунӧма, мунӧмныд, мунӧмаӧсь.

60. Ӧнія када коймӧд лицоа глаголлӧн личнӧй окончаниеясын гижсьӧ ӧ, а оз е (э): мунӧ, мыссьӧ, ворсӧны.

61. Уна лыда глаголъяслӧн 2-ӧд лицоын окончаниеас гижсьӧ -ныд: мунанныд, локтанныд, мунінныд, локтінныд, мунӧмныд, локтӧмныд.

62. Глаголъяслӧн уна лыда 3-ӧд лицоын окончание помас гижсьӧ ы, а оз и: мунӧны, мунісны, вайӧны, вайисны, лыддьысьӧны.

63. Первой колян када отрицательнӧй глаголъяслӧн отрицательнӧй частицаясас гижсьӧ э, а оз и: эг гиж, эз куж.

64. Ӧтка лыда отрицательнӧй глагол помӧ гижсьӧ ы, а оз и: ог лыддьы, эн ветлы, эз эшты.

65. Ӧнія, локтан да первой колян када отрицательнӧй глаголъяслӧн 1-й да 2-ӧд лицоын уна лыда окончаниеас гижсьӧ ӧй: эг (эгӧ) гижӧй, он (онӧ) гижӧй, эн (энӧ) гижӧй, он (онӧ) лыддьысьӧй.

66. Ӧнія, локтан да первой колян када уна лыда отрицательнӧй глаголъяслӧн 3-ӧд лицоын окончаниеас гижсьӧ ы, а оз и: оз гижны, эз гижны, оз мунны, эз мунны.

67. Ӧтка лыда 2-ӧд лицоа повелительнӧй глаголъяс помын гижсьӧ ы: пуксьы, мыссьы, чеччы, велӧдчы, а уна лыдаын ӧй, а оз ей (эй): велӧдчӧй, мунӧй, чеччӧй, эн (энӧ) пуксьӧй, эн (энӧ) мунӧй.

68. Возвратнӧй глаголъясын д, т бӧрын гижсьӧ ч, а оз сь: купайтчӧ, велӧдчӧ, пӧрӧдчӧ.

Непроизвольнӧй, страдательнӧй залога да помассян значение петкӧдлысь возвратнӧй глаголъясын д, т, дз да ч бӧрын гижсьӧ сь: петсьӧ, мунсьӧ, лыддьыссьӧ, вартсис, гижсьӧ, стрӧитсьӧ, куртсис, мудзсьӧма, тэчсис.

69. Парнӧй да паныда значениеа глаголъяс гижсьӧны дефис пыр: олӧ-вылӧ, пырӧ-петӧ, лэччыны-кайны, мунӧ-локтӧ, паськалӧ-разалӧ, сёйны-юны, чышкыны-мыськыны, кывтӧ-катӧ.

70. Изобразительнӧй глаголъяс прӧстӧй глаголъяскӧд, кор найӧ обозначайтӧны ӧти действие, гижсьӧны дефис пыр: жбыръявны-лэбавны, камгыны-дорны, тёпкыны-виявны.

71. Сложнӧй изобразительнӧй глаголъяс, кодъяс артмӧмаӧсь изобразительнӧй кыв основаысь да мунӧ, видзӧ, кылӧ, вартӧ малознаменательнӧй глаголъясысь, гижсьӧны ӧтлаын: зильмуні, кышакылӧ, зилякылӧ, пасьвартіс.

72. Изобразительнӧй наречиеяс полнозначнӧй глаголъяскӧд гижсьӧны торйӧн: грым уси, дзаж косяссис, жбыр лэбзис.

73. Сложнӧй изобразительнӧй глаголъяс, кодъяс артмӧмаӧсь изобразительнӧй кывйысь да мунӧ, кылӧ, вартӧ да видзӧ глаголъясысь, прӧстӧй глаголъяскӧд гижсьӧны торйӧн: зёльмуні жугалі, грыммуні уси, сюв-сявкылӧ зэрмис, куткырвидзӧ пукалӧ.

74. Сложнӧй изобразительнӧй глаголлӧн парнӧй изобразительнӧй основаыс гижсьӧ дефис пыр: тринь-троньмуні, гыма-гамакылӧ, пусь-пасьмуні, швуч-швачкерис, чуш-чашвӧчис.

75. Глаголъяс, кодъяс артмӧмаӧсь кывбӧра числительнӧйысь, гижсьӧны ӧтлаын: кыкмындаавны, кыкпӧвставны.

76. Глаголъяс кодь кывкӧд гижсьӧны ӧтлаын: вӧрзьыштіскодь, вешйыштіскодь.

Мед кыв глаголкӧд гижсьӧ век торйӧн: висьтав, мед локтасны татчӧ; мед олас миян радейтана Рӧдина!

77. Причастиеясын гижсьӧ ысь, а оз ись: мунысь морт, йирсьысь вӧв, бӧрдысь кага, лыддьысьысь детинка.

78. -иг суффикса деепричастиеяс тыр, тырйи, моз, чӧж, кості да кежлӧ кывъяскӧд гижсьӧны ӧтлаын: мунігмоз, сьылігтырйи, вуграсигчӧж, мунігчӧж, ворсігтырйи, лыддигмоз, локтігкості, сёйигкежлӧ.

XIII. НАРЕЧИЕЯСӦС ГИЖАННОГ.

79. Наречиеяс гижсьӧны ӧтлаын:

а) кодъяс артмӧмаӧсь существительнӧйясысь быд, тыр, йыв, выв кывъясӧн: войбыд, тӧвбыд, лунтыр, китыр, тшынйыв, кокйыв, кивыв, дорвыв, водзвыв;

б) кодъяс артмӧмаӧсь отглагольнӧй существительнӧйысь пырысь кывйӧн: радлӧмпырысь, тэрмасьӧмпырысь;

в) кодъяс артмӧмаӧсь прилагательнӧйысь пырысь, кузя, ногӧн, выв, дор, пӧв, моз кывъясӧн: долыдпырысь, буркузя, выльногӧн, важногӧн, шуйгавыв, веськыдвыв, асъявыв, аръявыв, асъядор, рытъядор, выльпӧв, воддзамоз;

г) кодъяс артмӧмаӧсь числительнӧйысь ногӧн, пӧв, пӧвстӧн, пельӧ, пӧрйӧ кывъясӧн: мӧдногӧн, кыкпӧв, куимпӧвстӧн, нёльпельӧ, кыкпӧрйӧ;

д) кодъяс артмӧмаӧсь быд обобщительнӧй местоимениеысь пӧрйӧ да ног (ногӧн) кывъясӧн: быдпӧрйӧ, быдног, быдногӧн, да мукӧд местоимениеысь дырйи кывйӧн: мукӧддырйи;

е) кодъяс артмӧмаӧсь ӧт кыв вужйысь выв, моз, ног, тшӧтш, пырйӧ, вылысь, дор, сямӧн, ув, сор кывъясӧн: ӧтвыв, ӧтмоз, ӧтдор, ӧтног, ӧтсор, ӧтсямӧн, ӧттшӧтш, ӧтпырйӧ, ӧтвылысь, ӧтув;

ж) неопределённӧй наречиеяс, кодъяс артмӧмаӧсь -кӧ да -сюрӧ суффиксъясӧн, а сідзжӧ отрицательнӧй наречиеяс, кодъяс артмӧмаӧсь не частицаӧн: кӧнкӧ, кыткӧ, кыськӧ, коркӧ, кытчӧкӧ, кытыськӧ; корсюрӧ, кытчӧсюрӧ, кӧнсюрӧ, кыдзсюрӧ; некор, некыдзи, неважӧн, некӧн, неылын, некутшӧма;

з) кодь кывкӧд: матынкодь, ылынкодь, ёнакодь, буракодь;

и) превосходнӧй степеня наречиеяс, кодъяс артмӧмаӧсь мед кывйӧн: медъёна, медмичаа, медлӧсьыда, медылӧ, медвылӧ, медбура;

к) сложнӧй наречиеяс, кодъяс артмӧмаӧсь кык кывйысь ни частицаӧн: сынисадь куйлӧ, пукалӧны шынитӧв, ывлаыс лёкмӧма синнипель, лынисьӧм воши.

80. Наречиеяс гижсьӧны дефис пыр:

а) паныда да усилительнӧй значениеа парнӧй наречиеяс: ӧтарӧ-мӧдарӧ, бӧрӧ-водзӧ, сідз-тадз, ӧдйӧ-ӧдйӧ, пырысь-пыр;

б) изобразительнӧй наречиеяс: зиль-зёль, сюв-сяв, шкув-шков, тур-тар, шувк-шавк, туп-тап, гири-люки.

81. Наречиеяс гижсьӧны торйӧн:

а) кывбӧръяскӧд: недыр мысти, регыд кежлӧ, аски кежлӧ, мӧдысь кежлӧ, сэк кежлӧ, век кежлӧ.

б) медся, зэв, вель, вывті кывъяскӧд: медся ёна, зэв лӧсьыда, вывті уна, вель ылын.

XIV. КЫВБӦРЪЯСӦС ГИЖАННОГ.

82. Существительнӧйяскӧд, числительнӧйяскӧд, местоимениеяскӧд да наречиеяскӧд кывбӧръяс гижсьӧны торйӧн: ӧшинь улын, во чӧж, кок йылын, на шӧрӧ, ва шӧрӧ, эсы мында, ас кежысь, та кодь, кык мында, сэк кості, недыр мысти, туй пӧлӧн, бӧчка кыза, во мысти, лун кежлӧ, керка бердын, на моз, тэ кузя, ас моз, тіян пӧвстын, ме ног, тіян ног, пу дорӧ, кык мында, дас мында, занятие бӧрын, ош кодь, шабді вевъя, зӧр сора.

XV. СОЮЗЪЯСӦС ГИЖАННОГ.

83. Сложнӧй союзъяс сы понда — мый, сы вӧсна — мый, не сӧмын — но и, не сы мында — мыйта гижсьӧны торйӧн.

84. Сідзжӧ союз гижсьӧ ӧтлаын: думайтны сэк некор, повны сідзжӧ некор.

85. Кӧ союз гижсьӧ торйӧн: Враг кӧ оз сетчы, сійӧс бырӧдӧны. Арталан кӧ стӧча, ставсӧ бура вӧчан.

86. Не то союз гижсьӧ торйӧн: ылын, вӧр дорас, тыдалӧ не то вӧв, не то мӧс.

XVI. ЧАСТИЦАЯСӦС ГИЖАННОГ.

87. Частицаяс нӧ, жӧ, но, да, и, бара, али, ӧд, тай, кӧ, пӧ, со, вот, то, мед, медся, самӧй, ӧмӧй, ли, не, абу, на, нин, ещӧ, сӧмын, весиг, выйӧдз, куш, медтыкӧ, кӧть, сэсся, инӧ, либӧ, буретш, вӧлі, вӧлӧм, эськӧ, вай гижсьӧны торйӧн, но ӧ да а частицаяс гижсьӧны дефис пыр: Дыр-ӧ ветлін? Ме тай вои нин-а.

88. Не частица, коді артмӧдӧ отрицательнӧй местоимение да наречие, гижсьӧ ӧтлаын: некод, некор, некутшӧм, некытчӧ.

89. Не частица гижсьӧ ӧтлаын прилагательнӧйяскӧд, кор сійӧ артмӧдӧ выль кыв, кодӧс позьӧ вежны мӧд кывйӧн: неыджыд — ичӧт, негырысь — посни.

90. Кӧ частица гижсьӧ дефис пыр сӧмын порядок петкӧдлысь вводнӧй кывъясын: ӧти-кӧ, мӧд-кӧ, коймӧд-кӧ, но: буракӧ, гашкӧ, вӧлӧмкӧ, кӧнкӧ.

XVII. СТРОКАЫСЬ СТРОКАӦ КЫВ ВУДЖӦДӦМ.

91. Ӧти строкаысь мӧд строкаӧ кыв вуджӧдігӧн кывсӧ колӧ торйӧдлыны слогъяс вылӧ.

Например: ве-лӧд-чы-ны, бӧр-йысь-ны, гиж-ны, шко-ла-ын.

92. Слог кӧ артмӧма ӧти гласнӧй букваысь, сэки сійӧ гласнӧйсӧ оз позь торйӧдны воддза либӧ бӧръя слогъяссьыс, вуджӧдсьӧ: Аме-рика, уна-ысь, ми-чаа, а оз А-мерика, у-наысь, мича-а.

93. Строкаысь строкаӧ вуджӧдігӧн, кор и бӧрвылын сулалӧ согласнӧй, сэки сійӧ оз торйӧдсьы водзвылас сулалысь гласнӧйсьыс, вуджӧдсьӧ: кый-ны, сёй-ны, вай-ны.

Кор й бӧрвылын сулалӧ гласнӧй буква, сэк строкаысь строкаӧ вуджӧдігӧн и оз торйӧдсьы сы бӧрын сулалысь гласнӧйсьыс. Например: дор-йыны, кӧс-йӧны, ва-йӧны, мы-йысь, сё-йим.

94. Кык ӧткодь согласнӧй букваяс строкаысь строкаӧ вуджӧдігӧн торйӧдсьӧны.

Например: мас-са, кольч-чыны, ат-тӧ, клас-сӧ, Донбас-сын.

95. Орччӧн сулалысь куим согласнӧйӧс строкаысь строкаӧ вуджӧдігӧн колӧ соблюдайтны морфологическӧй принцип да вуджӧдны: ворс-ны, курышт-ны.

Примечание. дж, дз, тш буквосочетаниеяс строкаысь строкаӧ вуджӧдігӧн оз торйӧдсьыны. Например: видз-сӧ, кы-дзи, потш-ны, ву-джӧдны, нитш-ла.