RSS Лӧддза-номъя тӧлысь 21-ӧд лунӧ пасйӧ тшупӧда чужан лун нималана коми кыв туялысь, финно-угровед, филология наукаяс доктор, миян пыдди пуктана уджъёрт Галина Валерьяновна Федюнева.
Гырысь наука шедöдöмторъясöн Галина Валерьяновна воис тӧдчана кадпас пасйигкежлӧ, на лыдын озыр туялан удж чукöр: монографияяс, велöдан небöгъяс, филология наукаяс доктор ним доръян диссертация, коми кыв туялан статьяяс да уна мукöд удж. Сылысь уджъяссö пыдди пуктӧны да вылö донъялöны россияса да суйöрсайса финно-угроведъяс.
Дыр кад чӧж Галина Валерьяновна веськӧдліс Кыв, литература да история институтса кыв отделӧн, сöвмöдіс да лэптіс выль тшупöдö коми кыв туялöм. Уна вын туялысь пуктiс коми кыв велöдöмӧ Сыктывкарса канму университетын, юксис томуловкöд коми кывйысь тöдöмлунъясöн да кужанлунöн.
Галина Валерьяновна, сьöлöмсянь чолöмалам Тiянöс тшупöда чужан лунöн! Сиам Тiянлы крепыд дзоньвидзалун, кыпыдлун, выль вермöмъяс уджын да олöмын! Кузь нэм да бур шуд!
Йӧзӧдӧм