Кывторъяслӧн функция да вежӧртас серти торъялӧм

Йӧзӧдіс admin - 21 марта, 2013

Автор: Попова Э. Н.

Небӧгса йӧзӧдӧм:

Ӧнія коми кыв. Морфология. Сыктывкар, 2000. Лб. 506-516.

 

Сы серти, кутшӧм мог кутӧны кывторъяс сёрни артмӧдӧмын, торъялӧны татшӧм чукӧръяс вылӧ:

А) содтӧд смыслӧвӧй, модальнӧй да эмоционально-экспрессивнӧй рӧмъяс петкӧдлысь кывторъяс,

Б) грамматика формаяс артмӧдысь кывторъяс,

В) кывйитӧд сяма кывторъяс.

Корсюрӧ грамматикаясын торйӧдӧны нӧшта кыв артмӧдысь мед, не, кӧ кывторъяс. Мед отсӧгӧн артмӧ кывбердлӧн да урчитанлӧн медвылыс ӧткодялан тшупӧд: медбур, медшоныд, медылысса, медмичаа, медзіля, медматын. Не да кӧ отсӧгӧн артмӧны соссяна да стӧчмӧдтӧм нимвежтасъяс: некутшӧм, некод, некымын, кодкӧ, мыйкӧ, кымынкӧ, а сідзжӧ урчитанъяс: некӧн, неылын, некор, кӧнкӧ. Найӧ воштӧмаӧсь торъя кывлысь асшӧрлунсӧ, та вӧсна стӧчджык найӧс лыддьыны кыв да форма артмӧдысь морфемаясӧн: мед да не — кывводзьясӧн, а кӧ — постфиксӧн.

Йӧзӧдӧм Кыв сикасъяс рубрикаын
«
»
Комментируйтны да содтавны ыстӧгъяс оз позь