Кадакыв йылысь выль небӧг (2020)

Йӧзӧдіс admin - 2 марта, 2021

Коми кывйын кадакывлӧн тэчас да морфология категорияяс

Коми наука шӧринса Кыв, литература да история Институтысь кыв, литература да фольклор юкӧнӧн веськӧдлысь, филология наукаяс доктор Е.А. Цыпановлӧн петӧма “Структура и морфологические категории глагола коми языка” монография (Сыктывкар, 2020).

Небӧгас петкӧдлӧма коми кадакывъяслысь тэчассӧ да грамматикасӧ: наклонение, морт, лыд, кад, залог, керӧм мунанног, керӧм тшупӧд да с.в.

Туялӧма тшӧтш инфинитив формаяслысь артманногсӧ.

Петасыс медводз лӧсялас фин-угор кывтуялысьяслы, коми кывсӧ пыдісянь тӧдмалысьяслы, филологияысь аспирантъяслы, вузъясын да школаясын велӧдысьяслы.

Небӧгыслӧн кывкутана редакторыс – филология наукаяс доктор Е.А. Игушев. Донъялысьясыс: филология наукаяс кандидатъяс Р.П. Попова (СыктГУ) да О.И. Некрасова (ИЯЛИ КНЦ УрО РАН).

Книгасӧ йӧзӧдӧма авторыслӧн сьӧм вылӧ.

Йӧзӧдӧм Выль небӧг рубрикаын
«
»
Комментируйтны да содтавны ыстӧгъяс оз позь