RSS 
2013‘ вося йирым 25′ лунӧ «Н. П. Огарёв нима Мордваса канму университет» ФГБОУ ВПО-бердса Д 212. 117. 09 диссерталан сӧвет чукӧртчылігӧн миян уджалысь Гуляева Наталья Ивановна бура дорйис филология кандидат ним шедӧдӧм могысь диссертация.
Диссертациялӧн тема: «Коми гижӧд кывйын юасян сёрникузяяс: семантика, функцияяс да структура» .
Уджсӧ вӧлі вӧчӧма ИЯЛИ Коми НЦ УрО РАН-са кыв юкӧдын. Наукаса веськӧдлысьыс ф.д. Ракин А.Н.
Нуӧдысь котыр: «Сыктывкарса канму университет» ФГБОУ ВПО.
Официальнӧй оппонентъяс: ф.д., проф. Абукаева Л.А. и ф.к., доцент Агафонова Н.А.
Диссертацияас медводдзаысь видлӧма быд боксянь туявны коми кывйысь юасян сёрникузяяс. Тані тырвыйӧ анализируйтӧма веськыда юасян сёрникузяяс, сьӧрсьӧн-бӧрсьӧн видлалӧма налысь функция-семантика да структура сикасъяс, туялӧма-гижалӧма и невеськыда юасян, контакт лӧсьӧдӧм могысь юасян сёрникузяяссӧ.
Диссертацияса кывкӧртӧдъяс вылын позьӧ быдпӧлӧс грамматика тэчаса кывъястӧ типология боксянь туялігтыр, а сідзжӧ коми сёрнисикасъяс туялігтырйи водзӧ лӧсьӧдлыны ӧтувъя теорияяс. Эмпирика мыччӧдъяс, анализ да кывкӧртӧдъяс позьӧ босьтны уджӧ Сыктывкарса канму университетын, Перымса педуниверситетын подув- да спецкурсъяс дасьтігӧн, вузъяслы, ссузъяслы, шӧр школаяслы велӧдан-туйдӧдан да велӧдчан небӧгъяс лӧсьӧдігтырйи.
Чолӧмалам Наталья Ивановнаӧс бура дорйысьӧмӧн да сиам водзӧ вылӧ став бурсӧ коми кыв туялан уджын.
Йӧзӧдӧм