RSS 
Ӧшым 12-ӧд лунӧ пасйö ассьыс кадпас пыдди пуктана кывтуялысь финно-угровед, филология кандидат, коми кывлысь морфология, историческӧй фонетика да перым кывъяслысь грамматика туялысь, миян уджъёрт Галина Александровна Некрасова.
Кыв туялӧмын Галина Александровна комын сизим во нин. 1981-ӧд восянь онöдз Некрасова уджалӧ Кыв, литература да история институтын. Пыдди пуктана ученӧй дасьтӧма кыксё ветымын гӧгӧр научнӧй удж да статья, публикуйтöма найöс Россияын, Эстонияын, Венгрияын, Финляндияын, Нидерландыын.
Сiйö пырö авторъяс лыдö, кодъяс дасьтісны коми кыв кузя 
статьяяс «Коми язык» энциклопедияö (1998), «Современный коми язык. Морфология» монографияӧ (2000) да мукӧд. Но медъёна тöдса Галина Александровна финно-угроведъяс пöвстын кыдзи пыдди пуктана грамматист, история боксянь фонетика туялысь.
Дерт, Галина Александровна Не
красова аслас уджъясöн пыртö коми кыв туялöмö ыджыд да колана пай, найöс вылö донъялöма миян Коми республикаын, Россияса да суйöрса пыдди пуктана финно-угроведъясöн. Галина Александровна нималана туялысь, сылöн вель уна быдсикас грамота, некымынысь вöвлöма госпремия лауреатöн (1999, 2004); 2010 восянь – финн-йöгра котырын суйöрсайса член.
Уджъёртъяс сьöлöмсянь чолöмалöны Галина Александровнаöс чужан лунöн, сиöны кузь нэм да бур шуд!
Йӧзӧдӧм