Презентация 2015-03-11. Сёрнисикас кывчукӧр

Безносикова Л. М.

Рака т. 5ʼ лунӧ 11 чассянь институтса актӧвӧй залын (519ʼ жыр) презентуйтім «КОМИ СЁРНИСИКАС КЫВЧУКӦР«. Таво тӧвшӧрнас вӧлись петіс сылӧн мӧд том (шыпасъясыс ӧ-я).

Коми диалект кывкуд — уна вося уджнымлы бӧртас. Татшӧмыс абу на Роч мувывса мукӧд финн-йӧгра кыв кузя. Кывчукӧрсӧ лӧсьӧдісны кызвыйӧ нёль туялысь: Безносикова Люция Михайловна, Айбабина Евгения Авенировна, Забоева Надежда Кимовна да Коснырева Раиса Ивановна. Лэдзис небӧгсӧ «Кола» небӧг лэдзанін.

Кывкудйӧ чукӧртӧма став коми (зыран) сёрнисикасса торъякывъяс важджык кывӧктӧдъясысь, диалектнӧй монографияясысь да содтӧма выльӧн сюрӧмсӧ.

Кывкудсӧ позьӧ судзӧдны «Кола» небӧг лэдзанінысь да «Ордым» лавкаысь.

Комментируйтны да содтавны ыстӧгъяс оз позь